Punten Mangga

Punten mangga, ari ga

Gatot Kaca, ari ca

Cau ambon, ari bon

Bonteng asak, ari sak

Sakit perut, ari rut

Rujak asem, ari sem

Sempal sempil, ari pil

Pilem rame, ari me

Meja makan, ari kan

Kantong kosong, ari song

Songsong lampu, ari pu

Puak paok, ari wok

Wok Berewooookk

Perepet Jengkol

Perepet jengkol jajahean
Kacepet ...... Kacepet ......
Jejeretean

Sasalimpetan

Sasalimpetan jajahan aing nu panjang, hey hey
Aki janggotan tumpak kuda heheotan

Sasalimpetan jajahan aing nu panjang, hey hey
Aki janggotan tumpak kuda heheotan
Tumpak kuda heheotan.
Tumpak kuda heheotaaaaan.
Tumpak kuda heheotan.

Ulin di Buruan

Ha......ha ha ha galumbira
Hi.......hi hi hi suka seuri
Ulin di buruan ulah sok silih heureuyan
Ulin di buruan ulah sok silih poyokan
Ulin di buruan ulah sok kamalinaan
Lamun kaleuwihan
Urang nu rugi sorangan

Pepeling

Utamana jalma kudu rea batur
Keur silih tulungan
Silih titipkeun nya diri
Budi akal Lantaran di pada jalma

Ayang ayang Gung

Ayang ayang gung
Gung goong na rame
Menak Ki Wastanu
Nu jadi Wadana
Naha maneh kitu
Tukang olo-olo
Loba anu giruk
Ruket jeung kumpeni
Niat jadi pangkat
Katon kagorengan
Ngantos Kanjeng Dalem
Lempa lempi lempong
Ngadu pipi jeung nu ompong

Oray-orayan

Oray orayan
Luar leor mapay sawah
Entong ka sawah
Pare na keur sedeng beukah
Oray orayan
Luar leor ka kebon
Entong ka kebon
Di kebon loba nu ngangon
Mening ge ka leuwi
Di leuwi loba nu mandi
Saha anu mandi
Anu mandi na paneuri
Oray orayan
Oray naon
Oray bungka
Bungka naon
Bungka laut
Laut naon
Laut Dipa
Dipa naon
Dipandeuri ri ri ri ri

Cing ciripit

Cing ciripit
Tulang bajing kacapit
Kacapit ku bulu pare
Bulu pare seuseukeutna
Jol Pa Dalang
Mawa wayang jek jek nong

Ambil ambilan

Ambil ambilan
turuktuk hayam samantu
Saha nu di ambil
Kami mah budak pahatu
Purah nutu purah ngejo
Purah ngasakan baligo
Purah tunggu bale gede
Nyeurieun sukuna
Kacugak ku kaliage
Aya ubarna
Urat gunting sampurage
Tiguling nyocolan dage

Boneka

Abdi teh ayeuna
Gaduh hiji boneka
Teu kinten saena
Sareng lucuna
Ku abdi di erokan
Erokna sae pisan
Sumangga tinggali
Boneka abdi

Tat Tit Tut

Tat tit tut
Daun kanyere - kaliki
Saha nu hitut budak awewe - lalaki
Dibawa ka saung butut
Balikna ngaburusut

Aya Hiji Kurung

Aya hiji kurung
Pinuh ku japati
Japatina kaluar
Disada uok-uokan
alim ka Ramana
alim ka Ibuna
Hoyong ka putrana
Nu centik bulu socana

Tokecang

Tokecang tokecang
Malik pendil tosblong
Angeun kacang angeun kacang
Sapariuk kosong

Cing Cangkeling

Cing cangkeling
Manuk cingkleung Cindeten
Plos ka kolong
Bapa Satar buleneng

Ucang Ucang Anggé

Ucang ucang anggé
mulung muncang ka paranggé
digogog ku anjing gedé
anjing gedé nu Pa Lebé
ari gog gog cungungung